Bizkaiko Saltokietako Emakume Liderrak proiektuaren II. edizioa abian jarri du AEDk.
Bizkaiko Emakume Enpresari eta Zuzendarien Elkarteak (AED) Bizkaiko Merkataritza Txikiko Emakume Liderak proiektuaren II. edizioa jarri du martxan, Bizkaiko Foru Aldundiko Ekonomia Sustatzeko Sailaren laguntzarekin.
Ekimen honen helburua da Bizkaiko merkataritza sektoreko emakume enpresariak babestea, beren enpresen kudeaketa arrakastatsua lantzeko tresnak eskainiz, negozioak denboran zehar iraunkorrak izan daitezen eta belaunaldi berrientzat erakargarriak bihurtzeko.
Ikusarazteko, sendotzeko eta sareak sortzeko proiektua
Proiektu honen bidez, Bizkaiko tokiko merkataritzako emakume liderren lana ikusarazi eta balioa eman nahi da, emakume hauek enpresari gisa duten norberaren aitortza sustatuz eta beren garapen profesionala eta negozioaren hazkundea indartuz.
Ekimenak esperientzien trukea, elkarlana eta harreman-sare profesionalen sorrera bultzatzen ditu, emakume enpresarien arteko konexioak sendotzeko eta sektorearen ikusgarritasuna handitzeko.
Saioetan oinarritutako metodologia
Proiektua taldekako programa baten bidez garatzen da, 8 asteko iraupena duten saio presentzialekin. Saio horietan honako gaitasunak landuko dira, besteak beste:
-
Enpresa-mentalitatea eta ikuspegi estrategikoa
-
Lidergo kontziente eta osasungarria
-
Kontziliazioa eta kudeaketa emozionala
-
Negoziazioa, salmentak eta berrikuntza
-
Elkartasuna eta laguntza-sareak (elkarlana eta sare profesionalak)
Metodologiak dinamika praktikoak, adituen hitzaldiak, lan pertsonala eta laguntza psikologikoa uztartzen ditu, parte-hartzaileen hazkunde profesionala zein pertsonala indartzeko.
Hazteko eta konfiantza irabazteko gunea
Prestakuntzaz gain, programak hausnarketarako eta harreman-sareak sortzeko gune bat eskaintzen du, merkataritza-sektoreko erronka nagusiei aurre egiteko eta Bizkaiko emakume enpresarien arteko laguntza-sarea sendotzeko. Programaren amaieran, hilabete baten buruan, sendotze eta hausnarketa saio bat egingo da, landutako edukien aplikazioa errazteko.
Datak eta izen-ematea
Programa 2026ko otsailaren 5ean hasiko da, otsaila eta martxoa bitartean egingo diren asteroko saioekin. Plaza kopurua mugatua da.
Parte hartu nahi duten emakumeek informazio gehiago jaso eta izena eman dezakete AEDrekin harremanetan jarriz, helbide honen bidez: aed@aedbiz.org
